Date, 14-09-2010
Dili- Tersa (14/9), Procurador Jeral da Republika Cabo Verde Dr. Julio Cesar Martins Tavares akompnaha husi Procuradora Jeral da Republika Timor Leste, Dra. Ana Pessoa Pinto vizita Instituisaun Provedoria dos Direitos Humanos e Justiça (PDHJ) iha Caicoli-Dili.
Delegasaun Procurador Jeral da Republika Cabo Verde Dr. Julio Cesar Martins Tavares, adjunto procurador Dr. Alcindo Julio Soares, conselhu superior Ministerio Publiku Cabo Verde, Dr. Antonio Maria Martins Clarest no secretario procurador Jeral da Republika Cabo Verde Dr. José Luis Varela Marques ne’ebe akompanha direitamente husi Procuradora Jeral da Republika Timor Leste, Dra. Ana Pessoa Pinto vizita PDHJ ho inisiativa atu hare kona-ba oinsa servisu PDHJ Timor Leste nian tamba iha Cabo Verde seidauk iha Instituisaun PDHJ.
“maske sira (Cabo Verde red) nia konstituisaun koalia kona-ba Instituisaun Provedoria da Justisa maibe to’o ohin loron seidauk hari’i Instituisaun ne’e, tamba ne’e sira iha interese tebes atu hatene PDHJ Timor Leste nia servisu ” hatete Dr. Sebastião Dias Ximenes, Provedor”.
Iha sorumutu ne’e, Provedor esplika kona-ba PDHJ nia servisu ne’ebé iha área rua mak hanesan iha área Direitos Humanos no area Boa Governasaun nomos esplika liu tan kona-ba durante ne’e PDHJ hala’o servisu hahu husi tinan 2005 to’o tinan 2010, Provedor hatutan.
Hafoin Provedor esplika, sira (Cabo Verde Red) sente kontente tebes ho servisu ne’ebé PDHJ halo tamba sira (Cabo Verde Red) dehan situasaun servisu PDHJ Timor Leste ninian Cabo Verde seidauk iha.
Provedor hatutan tan katak, la signifika katak Cabo Verde la bele atu hari’i Instituisaun PDHJ maibé iha difikuldades itoan kona-ba atu hili Provedor da Justiça.
Ho oportunidade Procurador Jeral da Republika Cabo Verde Dr. Julio Cesar Martins Tavares, ho nia delegasaun adjunto procurador Dr. Alcindo Julio Soares, conselhu superior Ministerio Publiku Cabo Verde, Dr. Antonio Maria Martins Clarest no secretario procurador Jeral da Republika Cabo Verde Dr. José Luis Varela Marques vizita Timor Leste iha vizita mos iha Instituisaun PDHJ hodi hare oinsa PDHJ nia servisu.
Informasaun liu tan bele kontaktu Lady Ximenes, Relasaun Públika PDHJ ho mobile 7304260