Date : 21-09-2010
Dili – Provedoria dos Direitos Humanos e Justça (PDHJ) sei halo konsulta ba planu estratejiku PDHJ ninian ba tinan 2011 to’o 2020 iha sede rejional distrito Oe-cusse iha loron 27 Setembru no sei kontinua ba sede rejional Distrito Bobonaro iha loron 29 Setembru 2010.
Objetivu husi planu estratejiku ne’e atu hetan informasaun husi partisipantes sira atu dezenvolve planu ne’ebé Instituisaun Provedoria dos Direitos Humanos e Justiça (PDHJ) iha,”hatete Dr. Rui Pereira dos Santos adjuntu Provedor ba asuntu Boa Governasaun.
Iha loron 27 Setembru sei halo aprezentasaun materi ne’ebé dadaun PDHJ iha ba partisipantes sira kona-ba planu estratejiku PDHJ nian ba iha tinan 2011 to’o 2020.
“Tamba ne’e, ho material ne’ebé PDHJ iha dadaun aprezenta ba partisipantes sira, keta partisipantes sira iha koresaun no ideias foun ba planu PDHJ nian ba futuru,”katak Adjuntu Provedor.
Adjunto Provedor hatutan katak, depois remata konsulta ba planu estratejiku iha Distrito Oe-cusse no Bobonaro. No iha loron 7 Outubru sei kontinua programa ne’e ba sede rejional Distrito Baucau no programa konsulta ba planu estratejiku PDHJ ninian sei remata iha Distrito Dili iha fulan Outubru nia laran.
Informasaun liu tan bele kontaktu Lady Ximenes, 7304260