PDHJ Partisipa iha Eventu Laterál SEANF kona-ba Avansa Responsabilidade no Justisa iha ASEAN

KUALA LUMPUR, Malázia, 19 Novembru 2026 – Provedór Direitus Umanus no Justisa Timor-Leste, Virgílio da Silva Guterres “Lamukan”, partisipa iha eventu laterál Fórum Nasionál Direitus Umanus Sudeste Aziátiku (SEANF) ho títulu “Korrupsaun nu’udar Problema Direitus Umanus: Promove Responsabilizasaun no Justisa iha ASEAN – Bainhira Korrupsaun buras, Direitus Umanus Sofre.” Eventu ne’e organiza husi Komisaun Direitus Umanus Malázia (SUHAKAM), iha ámbitu iha SEANF, iha Kuala Lumpur. Delegasaun PDHJ ni’an inklui Provedóra- Adjunta Direitus Humanus, Maria Marília da Costa, Xefe Gabinete Áureo José António Sávio, no membru delegasaun seluk.

Fórum rejionál ne’e  halibur reprezentante sira hosi Instituisaun Nasionál sira Direitus Umanus nian, ajénsia governu nian, organizasaun internasionál, sosiedade sivíl no parte interesada sira seluk hodi ezamina oinsá korrupsaun estraga direitus umanus, hafraku instituisaun públika sira, desvia rekursu públiku sira no restrinje asesu hanesan ba servisu esensiál sira no justisa. Programa ne’e hatudu vizaun jerál ida kona-ba korrupsaun iha Sudeste Aziátiku, ne’ebé foka ba ninia kustu ekonómiku no impaktu sira ba direitus umanus, tuir fali ho diskusaun painél haat ne’ebé aborda dimensaun xave sira kona-ba asuntu ne’e.

Diskusaun sira kobre kona-ba korrupsaun, governasaun no estadu direitu iha harii instituisaun sira ne’ebé responsavel no independente; impaktu husi korrupsaun ba direitu ekonómiku, sosiál no kulturál no asesu la hanesan ba servisu públiku sira; impaktu ne’ebé la proporsionál hosi korrupsaun ba komunidade marjinalizadu sira; no papél sira hosi Instituisaun Nasionál Direitus Umanus, governu, sosiedade sivíl no negósiu sira hodi tradús diálogu ba asaun. Nu’udar parte husi programa ne’e, Provedór Virgílio da Silva Guterres mós sai nu’udar Moderadór ba Painél Diskusaun 1, ho títulu “Korrupsaun, Governasaun no Estadu Direitu: Harii Instituisaun sira ne’ebé Responsavel no Independente”, hodi fasilita diskusaun sira kona-ba independénsia institusionál, integridade judisiál, aprovizionamentu públiku, responsabilidade ezekusaun no remédiu sira ne’ebé efetivu.

Fórum ne’e konklui ho aprezentasaun no adosaun Rezolusaun SEANF kona-ba Korrupsaun no Direitus Umanus iha ASEAN, hodi reafirma kompromisu koletivu husi instituisaun membru sira hodi hametin transparénsia, responsabilizasaun, justisa no kooperasaun rejionál. Liuhusi nia partisipasaun, PDHJ reafirma importánsia atu rezolve korrupsaun la’ós de’it nu’udar kestaun kona-ba hahalok aat finanseiru ka mal-administrasaun, maibé nu’udar preokupasaun direitus umanus fundamentál ne’ebé afeta diretamente ba dignidade umanu, igualdade no gozu ba direitu fundamentál sira.

This post is also available in: English

Notisia seluk

RASP Hala’o Diskusaun Meza Redonda Dahuluk iha 2026 hodi Hametin Kooperasaun kona-ba Prizioneiru sira-nia Direitus Umanus

Dili, 22 outubru 2026 — Rede Apoiu Servisu Prizionál (Rede Apoiu Servisu Prizional – RASP), liuhosi Asosiasaun HAK, hala’o diskusaun meza redonda dahuluk tinan...

OHCHR Realiza Misaun Avaliasaun Nesesidade Hodi Hametin Kapasidade Institusionál PDHJ nian iha Timor-Leste

Dili, 21 Outubru 2026 —Provedoria Direitus Umanus no Justisa (PDHJ) Timor-Leste nian ohin hala'o enkontru abertura ida ho delegasaun ida husi Gabinete Komisáriu Aas...

PDHJ, Unidade Asesoria Direitus Umanus ONU no Sentru Formasaun Polisia Haforsa Kapasidade Direitus Umanus Ofisial Polisia Dili

Dili, 20 outubru 2026 – Ekipa formadór husi Provedoria Direitus Umanus no Justisa (PDHJ), Unidade Asesoria Direitus Umanus Nasoens Unidas (UADU), no Sentru Formasaun...

SEANF DEZKUALIFIKA KOMISAUN NASIONÁL DIREITU UMANUS MYANMAR (MNHRC) HUSI MEMBRU IHA SEANF

KUALA LUMPUR (19 OUTUBRU 2026) – Konsellu Administrasaun hosi Fórum Nasionál Direitus Umanus Sudeste Aziátiku (SEANF) desidi iha loron 1 outubru 2026 atu deskualifika...