“𝐏𝐨𝐯𝐮 𝐋𝐚𝐛𝐞𝐥𝐞 𝐒𝐢𝐦𝐮 𝐊𝐮𝐥𝐩𝐚 𝐁𝐚 𝐈𝐧𝐤𝐨𝐦𝐩𝐞𝐭𝐞́𝐧𝐬𝐢𝐚 𝐆𝐨𝐯𝐞𝐫𝐧𝐚𝐧𝐭𝐞 𝐒𝐢𝐫𝐚”, 𝐡𝐚𝐭𝐞𝐭𝐞 𝐏𝐫𝐨𝐯𝐞𝐝𝐨́𝐫 𝐢𝐡𝐚 𝐀𝐧𝐢𝐯𝐞𝐫𝐬𝐚́𝐫𝐢𝐮 𝐓𝐢𝐧𝐚𝐧 𝟐𝟎 𝐏𝐃𝐇𝐉

Dili, 30 maiu 2024 – Provedoria Direitus Umanus no Justisa realiza 𝐊𝐚𝐥𝐚𝐧 𝐏𝐃𝐇𝐉 hodi komemora aniversáriu ba dala 20 iha salaun Delta Nova, Dili, iha loron 26 fulan-maiu tinan 2024. Eventu ne’e konta ho partisipasaun husi membru governu sira, inklui Chefe Casa Civil ne’ebé reprezenta Prezidente Repúblika, eis Provedór no Adjuntu sira, organizasaun sosiedade sivil, parseiru lokál no internasionál sira.

Provedór Virgílio da Silva Guterres ‘Lamukan’ sumariza nia reflesaun ba 𝐂-𝟑: “𝐂𝐨𝐧𝐠𝐫𝐚𝐭𝐮𝐥𝐚𝐫 𝐨 𝐩𝐚𝐬𝐬𝐚𝐝𝐨, 𝐂𝐞𝐥𝐞𝐛𝐫𝐚𝐫 𝐨 𝐩𝐫𝐞𝐬𝐞𝐧𝐭𝐞 𝐞 𝐂𝐚𝐦𝐢𝐧𝐡𝐚𝐫 𝐩𝐚𝐫𝐚 𝐨 𝐟𝐮𝐭𝐮𝐫𝐨”. Nia hahú hodi rekoñese membru Asembleia Konstituente sira ne’ebé inklui iha Konstituisaun artigu 27 kona-ba Provedoria Direitus Umanus no Justisa no nia hahi’i funsionáriu dahuluk ho eis-provedór no adjuntu sira tanba sira-nia dedikasaun, “𝐦𝐚𝐬𝐤𝐞 𝐡𝐨 𝐥𝐢𝐦𝐢𝐭𝐚𝐬𝐚𝐮𝐧 𝐨𝐢𝐨𝐢𝐧, 𝐬𝐢𝐫𝐚 𝐟𝐨́ 𝐨𝐧𝐚 𝐛𝐮𝐚𝐭 𝐧𝐞’𝐞𝐛𝐞́ 𝐝𝐢’𝐚𝐤 𝐥𝐢𝐮 𝐡𝐨𝐭𝐮 𝐛𝐚 𝐏𝐃𝐇𝐉”. Lamukan mós fó onra ba funu-na’in sira hodi dehan: “𝐋𝐢𝐮 𝐡𝐮𝐬i 𝐬𝐢𝐫𝐚-𝐧𝐢𝐚 𝐬𝐚𝐤𝐫𝐢𝐟𝐢́𝐬𝐢𝐮, 𝐦𝐚𝐤𝐚 𝐡𝐚𝐫𝐢𝐢 𝐧𝐚𝐬𝐚𝐮𝐧 𝐧𝐞’𝐞, 𝐧𝐨 𝐡𝐚𝐫𝐢𝐢 𝐦𝐨́𝐬 𝐈𝐧𝐬𝐭𝐢𝐭𝐮𝐢𝐬𝐚𝐮𝐧 𝐏𝐃𝐇𝐉.”

Hodi ko’alia kona-ba 𝐂𝐞𝐥𝐞𝐛𝐫𝐚𝐫 𝐨 𝐏𝐫𝐞𝐬𝐞𝐧𝐭𝐞, Provedór Lamukan husu kona-ba saida mak ita ténke selebra. Nia rekoñese selebrasaun ba prezente maka ezisténsia PDHJ nian hafoin tinan 20 hakat liu difikuldade oioin. Maibé prezente ne’ebé maka ita labele selebra maka realidade sosiál, tanba ida ne’e ezizi ita nia atensaun atu hadi’a. Nia hatutan liu tán katak, “𝐬𝐞́ 𝐢𝐡𝐚 𝐟𝐮𝐧𝐮 𝐥𝐚𝐫𝐚𝐧 𝐩𝐨𝐯𝐮 𝐦𝐚𝐤𝐚 𝐬𝐚𝐢 𝐬𝐞𝐧𝐭𝐫𝐮 𝐧𝐨 𝐢𝐧𝐬𝐩𝐢𝐫𝐚𝐬𝐚𝐮𝐧 𝐛𝐚 𝐥𝐮𝐭𝐚, 𝐞𝐧𝐭𝐚𝐮𝐧 𝐢𝐡𝐚𝐓𝐢𝐦𝐨𝐫-𝐋𝐞𝐬𝐭𝐞 𝐧𝐞’𝐞𝐛𝐞́ 𝐢𝐧𝐝𝐞𝐩𝐞𝐧𝐝𝐞𝐧𝐭𝐞, 𝐩𝐨𝐯𝐮 𝐥𝐚𝐛𝐞𝐥𝐞 𝐬𝐢𝐦𝐮 𝐤𝐮𝐥𝐩𝐚 𝐭𝐚𝐧𝐛𝐚 𝐠𝐨𝐯𝐞𝐫𝐧𝐚𝐧𝐭𝐞 𝐬𝐢𝐫𝐚-𝐧𝐢𝐚 𝐢𝐧𝐤𝐨𝐦𝐩𝐞𝐭𝐞́𝐧𝐬𝐢𝐚.” Provedór hatutan, ho komplexidade prezente ni’an, maka halo instituisaun independente hanesan PDHJ nia servisu relevante liu tan.

Maske ho difikuldade oioin, Lamukan espresa ho serteja esperansa atu la’o ba oin. “𝐏𝐃𝐇𝐉 𝐢𝐡𝐚 𝐤𝐨𝐦𝐩𝐞𝐭𝐞́𝐧𝐬𝐢𝐚 𝐛𝐨𝐨𝐭 𝐦𝐚𝐢𝐛𝐞́ 𝐩𝐫𝐚𝐭𝐢𝐤𝐚 𝐡𝐚𝐭𝐮𝐝𝐮 𝐡𝐚𝐧𝐞𝐬𝐚𝐧 𝐥𝐚𝐛𝐚𝐫𝐢𝐤 𝐧𝐞’𝐞𝐛𝐞́ 𝐤𝐨𝐤𝐨 𝐚𝐭𝐮 𝐥𝐚’𝐨 𝐮𝐳𝐚 𝐧𝐢𝐚 𝐚𝐦𝐚𝐧 𝐧𝐢𝐚 𝐬𝐚𝐩𝐚𝐭𝐮. 𝐌𝐚𝐬𝐤𝐢 𝐬𝐚𝐩𝐚𝐭𝐮 𝐧𝐞’𝐞 𝐛𝐨𝐨𝐭 𝐧𝐨 𝐭𝐨𝐝𝐚𝐧 𝐥𝐢𝐮, 𝐦𝐚𝐢𝐛𝐞́ 𝐡𝐨 𝐢𝐭𝐚-𝐧𝐢𝐚 𝐤𝐨𝐦𝐢𝐭𝐦𝐞𝐧𝐭𝐮 𝐫𝐚𝐬𝐢𝐤 𝐧𝐨 𝐚𝐣𝐮𝐝𝐚 𝐡𝐮𝐬𝐢 𝐢𝐭𝐚-𝐧𝐢𝐚 𝐩𝐚𝐫𝐬𝐞𝐢𝐫𝐮 𝐬𝐢𝐫𝐚, 𝐢𝐭𝐚 𝐬𝐞𝐢 𝐥𝐚’𝐨 𝐛𝐚 𝐨𝐢𝐧 𝐝𝐮𝐧𝐢.” Nia hateten katak Provedór nia mehi iha futuru maka hakarak sidadaun ida-ida, ténke sai ajente ativu hodi halo advokasia ba direitus umanus. Maibé la’os direitu de’it, sidadaun sira presija hatene no halo mós sira nia obrigasaun.

Iha eventu 𝐊𝐚𝐥𝐚𝐧 𝐏𝐃𝐇𝐉 ne’e lansa mós relatóriu anuál PDHJ 2023, Planu Estratéjiku 2024-2028, no asina memorandu entendimentu entre AJAR no PDHJ hodi hametin liu tán servisu hamutuk hodi promove no hakbiit sensibilizasaun ba iha asuntu direitus umanus iha polítika públiku iha instituisaun estadu sira hotu iha futuru.

Ba asuntu mídia kontaktu:
Joana da Cruz +670 78566745
Antoninho Bernardino +670 77709837
E: media@pdhj.tl

This post is also available in: English