Data, 18-07-2011
Treinamentu kona-ba Direitos Humanos, analiza konflitu no mediasaun inportante ba lideransa komunitaria. Nune’e ho meus treinamentu bele hasa’e kapasidade lideransa komunitaria sira-nian kuinesimentu. Lia hirak ne’e hato’o husi Dr. Silverio Pinto Baptista, Adjunto Provedor ba area Direitos Humanos (PDHJ) ba lideransa komunitaria sira iha seremonia abertura treinamentu ba lideransa komunitaria iha salaun administrasaun Baucau. Treinamentu ba lideransa komunitaria neé realiza husi Provedoria dos Direitos Humanos e Justiça (PDHJ) liu husi direasaun nasional Direirus Humanos no Ministeriu Administrasaun Estatal (MAEOT) liu husi direasaun Nasional Administrasaun Apoiu Suku no Ministeriu Solidaridade Sosial (MSS) liu husi diresaun Nasional Asistensia Sosial iha distritu Baucau.
Treinamentu hala’o durante loron lima (11-15 Jullu 2011) iha salaun administrasaun distritu Baucau. Treinamentu ne’e nu’udar realizasaun husi akordu ne’ebé PDHJ liu husi diresaun Nasional Direitus Humanos asina ona ho MAEOT liu husi direasaun Nasional Administrasaun Apoiu Suku no MSS liu husi diresaun Asistensia Sosial iha fulan Abril 2011.
Dr. Silverio Pinto Baptista, Adjuntu Provedor ba area Direitos Humanos (PDHJ) hateten katak “ treinamentu konjunta entre PDHJ, MAEOT no MSS ho objetivu atu hasae kuinesimentu lideransa komunitaria sira nian kona-ba direitus humanos, analiza konflitu no mediasaun.
Baptista sublina katak, knaar importante ida PDHJ nian liu husi Diresaun Nasional direitus Humanos mak fó kapasitasaun ba lideransa komunitaria sira atu nune’e sira bele hatene sira-nia knaar nu’udar lideransa iha suku nia laran.
Tanba lideransa komunitaria sira dala ruma sira mós nu’udar parte ida ne’ebé sai autor ba violasaun direitus humanos karik tanba sira la hatene informasaun, karik sira hatene maibe la kohi implementa. Nune’e liu husi treinamentu ne’e bele hasa’e kuinesimentu ba Xefe suku iha.
Materia treinamentu mak hanesan saida mak lideransa komunitaria, knaar lideransa komunitaria ligasaun ho direitus humanos, dever lideransa komunitaria, prinsipiu direitus humanos, dever estadu promove no protégé direitus humanos, dever lideransa komunitaria hod protégé no promove direitus humanos iha komunidade, jeneru no direitus humanos, violensia domestika, responsalidade lideransa komunitaria ba violensia domestika, mediasaun no analiza konflitu.
Iha seremonia abertura Directur Nasional Administrasaun Apoiu Suku (MAEOT) Celestino Marques” husu ba lideransa komunitaria sira atu seriu partisipa iha treinamentu ne’e tanba treinamentu ne’e importante tebes ba lideransa komunitaria sira atu bele hatene kona-ba direitus humanos. Nune’e mos iha parte mediasaun nian lideransa komuniatria sira hatene metodu sira ne’ebé treinador sira fó atu nune’e lideransa komunitaria sir abele rejolve kazu civil sira ne’ebé akontese iha suku nia laran”.
“ Liu husi treinamentu ne’e lideransa sir abele hatene metodu sira atu bele rejolve problema ruma ne’ebé mosu iha suku nia laran atu nune’e parte rua ne’ebé iha konflitu bele satisfeitu no aseita hamutuk ba rejultadu ne’ebé iha” hatutan Marques.
Marina Bernadina Gaio nu’udar treinador hateten katak sente urgullu tanba lideransa komunitaria sira iha interese no antosiasmo tebes hodi partisipa treinamentu to’o remata. Nune’e tuir Marina haree katak liu husi materia ne’ebé treinador sira fó partisipantes sira akapta duni tuir sira nia kapasidade mak iha.
Treinamentu realiza ona iha distriitu Manatutu, Oecusse, Baucau no tuir planu treinamentu hanesan sei hala’o iha Timor laran tomak maibe iha tinan 2011 sei hala’o uluk iha distritu balun hafoin programa ne’e sei kontinua iha tinan 2012. Treinamentu iha distritu Baucau partisipante husi lideransa komunitaria sira husi sub distritu Baucau Villa, Sub Distritu Venilale no Sub Distritu Laga. Iha treinamentu ne’e partisipante sira antosiasmo tebes hodi tuir treinamentu referee. Treinador iha treinamentu ne’e mai husi funsionariu PDHJ no adjunto Provedor ba area direitus humanos no Ministeriu solidaridade social.
Bazeia ba Konstituisaun RDTL Artigu 27, Provedor dos Direitos Humanos e Justiça nu’udar órgaun indepedente ida iha knaar atu haree no buka hatán sidadaun sira-nia problema sakar podér públiku, atu haree loloos hahalok sira ne’ebé tuir lei no halo prevensaun no hahú prosesu tomak hodi haburas fali Justiça.
Presiza Informasaun Kontaktu
Lady Ximenes, TP Relasaun Públika PDHJ
Telemovel 7304260