Seminariu Nasional Direitu Prizioneirus Hodi Asesu ba Justiça Formal

Baucau : Doutora Jesuina Maria F. Gomes, atual Provedora Direitus Humanos e Justiça (PDHJ), iha loron 18 Janeiro 2019 acompanha husi diretora delegasaun teritorial Baucau Sra. Joanita S. da Costa, partisipa iha seminariu nasional kona ba “Direitu Prizioneirus Hodi Asesu ba Justiça Formal”.

Entretantau objetivu husi seminariu nasional ho titulu Prizioneirus Hodi Asesu ba Justiça Formal ne’e rasik realize ho objetivu atu melhora diak liu tan servisu tribunais nian hodi asegura prizioneirus prizaun preventiva sira nia direitu ba asesu justisa formal no atu hetan informasaun lolo’os kona ba funsionamentu judisiariu iha Timor leste inklui deskute problema no lacuna sira liga ba asuntu justisa formal hodi buka solusaun hotu.
Iha seminariu ne’e liu husi aprezentasaun materia ho topiku direitu prizioneiru hodi asesu ba justiça formal liga ho knaar servisu PDHJ nian Provedora direitus Humanos no Justiça haktuir katak, durante ne’e PDHJ sempre halo monitorizasaun ba iha Prizaun sira hodi hare ba kondisaun ne’ebé lao iha prizaun nia laran.
Seminariu ne’e rasik realiza husi asosiasaun HAK iha Salaun Uma Dame Vila Nova Baucau, durante loron ida no hetan partisipasaun masimu husi Ministru Justiça no nia diretores sira, Prezidenti autoridade munisipiu Baucau, autoridades lokal, Juis administrador Tribunal Baucau inklui sosiedade sivil sira.

Notisia seluk

PDHJ Partisipa iha Eventu Laterál SEANF kona-ba Avansa Responsabilidade no Justisa iha ASEAN

KUALA LUMPUR, Malázia, 19 Novembru 2026 – Provedór Direitus Umanus no Justisa Timor-Leste, Virgílio da Silva Guterres “Lamukan”, partisipa iha eventu laterál Fórum Nasionál...

PDHJ Partisipa iha Konferénsia Anuál SEANF ba dala 23, Hametin Kooperasaun Rejionál kona-ba Direitus Umanus

KUALA LUMPUR, Malázia, 19 Novembru 2026 –Provedoria Direitus Umanus no Justisa (PDHJ) partisipa iha Konferénsia Anuál ba dala 23 hosi Fórum Nasionál Direitus Umanus...

RASP Hala’o Diskusaun Meza Redonda Dahuluk iha 2026 hodi Hametin Kooperasaun kona-ba Prizioneiru sira-nia Direitus Umanus

Dili, 22 outubru 2026 — Rede Apoiu Servisu Prizionál (Rede Apoiu Servisu Prizional – RASP), liuhosi Asosiasaun HAK, hala’o diskusaun meza redonda dahuluk tinan...

OHCHR Realiza Misaun Avaliasaun Nesesidade Hodi Hametin Kapasidade Institusionál PDHJ nian iha Timor-Leste

Dili, 21 Outubru 2026 —Provedoria Direitus Umanus no Justisa (PDHJ) Timor-Leste nian ohin hala'o enkontru abertura ida ho delegasaun ida husi Gabinete Komisáriu Aas...