Dili : Loron 25 Juñu 2019, Provedora Jesuina Maria Ferreira Gomes akompaña husi Provedor adjuntu Boa Governasaun Miguel Pereira de Carvalho no Provedor adjunta Direitos Humanos, Benicia Eriana Magno inklui Xefe Gabinete Sr. Silvino Saldanha Pereira, aprejenta relatoriu anual 2018 ba Prezidente Parlamentu nasional Dr. Arão Noe de Jesus Amaral. Aprejentasaun ne’e realija iha sala audiensia Gabinete Prezidente Parlamentu nacional.
Tuir Provedora a katak aprejentasaun relatoriu ne’e rasik hala’o bazeia ba estatutu Provedoria tuir lei numeru 7/2004 iha artigu 46 hateten katak ate dia 30 de Juñu kada tinan Provedor tenki aprejenta nia relatoriu annual aktividade tinan ida ni’an husi Janeiro too iha Dezembro ba iha Prezidente Parlamento Nacional.
Tanba ne’e maka nia parte iha loron 25 Fulan ne’e, akompaña husi adjunto na’in rua ho xefe Gabinete marka prejensa iha Parlamentu nacional hodi entrega no esplika relatoriu annual 2018 nia konteudu ba iha Prezidente Parlamentu Nasional.
Entretantu Prezidente Parlamentu rasik hafoin simu tiha relatoriu annual husi Prezidente Parlamentu nacional hatoo informasaun katak, iha Kinta feira agora sei lori ba iha reuniaun lider no propoin para atu tau ba iha Tersa feira proxima semana.
Ne’eduni Provedoria hein de’it komunikasaun husi Gabinete Prezidente Parlamentu nacional.