Covalima – Provedoria Direitos Humanos no Justiça(PDHJ) Diresaun Boa Governasaun, Deprtamento Promosaun no Edukasaun, iha loron 17-19 halao treinamentu ba kargus xefia, pesoal saúde, Ministériu Saúde iha Munisipiu Covalima. Tema husi treinamentu hamutuk maka”Kapasita No Hasa’e Konesementu Funsionalímu Públiku iha area Saúde hodi promove Governasaun Diak.”
Entertantu Provedor Dr. Silverio Pinto Baptista iha nia enserementu ba treinamentu durante loron tolu informa katak, hahalok korupsaun sai impaktu psikolójia ba familia no oan sira, tamba karik sidadaun sira halo korupsaun ki’ik deit ba tama kadeia, familia bele sai mos vitima.
Provedor agradese ba partisipante sira tamba partisipantes sira iha antusiazmu hodi simu materia ho diak, kompara ho Munisipiu sira seluk.Provedor husu ba partisipante sira atu haklean informasaun ba funsionàriu nebe laiha oportunidade, partisipa iha treinamentu. Provedor husu ba partisipante sira,tenki aplika materia durante treinamentu hodi promove Boa Governasaun no proteze direitos humanos.
Iha fatin hanesan Diretór Saúde Munisipiu Covalima, Bernardino Amandio da Silva husu ba partisipante sira atu simu materia husi instituisaun tolu ho diak, tamba hanesan funsionariu Publiku persiza kapasitasaun hodi halao servisu ho diak hahalok mos servisu ho laran, hatene regra no hado’ok a,an husi mal administrasaun.