Dili, 30 janeiru 2026 – Provedór Direitus Umanus no Justisa, Virgílio da Silva Guterres “Lamukan” lidera Enkontru Konsellu Diretivu (EKD) dahuluk tinan 2026 nian, ne’ebé halibur lideransa PDHJ, inklui xefe no diretór sira hosi eskritóriu nasionál no delegasaun teritoriál sira husi Baucau, Same, Maliana no Oé-Cusse. Enkontru ne’e halo parte iha PDHJ nia mekanizmu koordenasaun regulár atu halo revizaun ba dezempeñu institusionál, avalia progresu ne’ebé alkansa ona no identifika área sira ne’ebé presiza hadi’a liután.
Diskusaun xave sira foka ba asuntu sira relasiona ho arranju sira eskritóriu temporáriu nian, inklui aspetu kontratuál no regulatóriu sira no Planu Operasionál PDHJ nian ba tinan 2026. Iha enkontru ne’e partisipa hosi Provedór-Adjuntu Boa Governasaun, Rigoberto Monteiro, no Provedóra-Adjunta Direitus Umanus, Maria Marilia da Costa no realiza iha PDHJ nia eskritóriu temporáriu iha Excelsior Resort, Bebonuk, Dili.
This post is also available in: English