Jakarta, Indonézia, 23–24 abril 2025 – Provedoria dos Direitos Humanos e Justiça (PDHJ) hamutuk ho reprezentante sira husi Sudeste Aziátiku partisipa iha Enkontru Grupu Traballu Tékniku Dahuluk husi Fórum Nasionál Instituisaun Direitus Umanus Sudeste Aziátiku (SEANF), ne’ebé hala’o iha Jakarta iha Prezidensia Komnas HAM Indonézia nian.
Enkontru ne’e halibur instituisaun membru SEANF neen hanesan: Komnas HAM (Indonézia), SUHAKAM (Malázia), MNHRC (Myanmar), CHRP (Filipina), NHRCT (Tailándia), no PDHJ (Timor-Leste). PDHJ reprezenta husi Aureo José António Savio, Xefe Gabinete, no Antoninho Bernardino, Espesialista Mídia no Relasaun Públika.
Enkontru ne’e hahú ho diskursu abertura husi Prezidente SEANF Atnike Nova Sigiro, tuir fali ho adosaun formál ba ajenda no atualizasaun institusionál sira. Durante loron rua, membru sira SEANF nian haree filafali progresu sira dezde Konferénsia Anuál SEANF nian ba dala 21, diskute asuntu sira governasaun internu nian hanesan sekretariadu rotasaun, termu sira prezidénsia nian, no reativa Grupu Traballu Komunikasaun SEANF nian hodi finaliza matadalan sira komunikasaun mídia nian.
Foku xave ida husi loron daruak nian maka implementasaun husi Planu Estratéjiku SEANF (2022–2026), partikularmente ninia prioridade temátiku haat:
- Direitus umanus iha ambiente pós-COVID-19
- Negósiu no direitus umanus
- Prevensaun ba tortura
- Hametin institusionál
Durante sesaun atualizasaun atividade no dezenvolvimentu institusionál nian, PDHJ aprezenta ninia dezenvolvimentu no atividade xave sira dezde konferénsia anuál liubá, ne’ebé konsentra ba pilár estratéjiku lima: protesaun, polítika, promosaun, prevensaun, no reforsu institusionál.
Entre ninia destake sira, PDHJ fahe ninia revizaun konstitusionál ba instrumentu legál xave oioin, inklui Lei Karreira Profisionál Saúde nian, no ninia inisiativa apoiu legál pro bono ba vítima despeju forsadu sira. Subliña mós nia partisipasaun iha fórum rejionál no internasionál sira, hanesan Enkontru Anuál GANHRI, Eventu Rede Direitus Umanus CPLP nian iha Jenebra, no Enkontru sira AICHR nian iha Malázia.
Importante liu maka, PDHJ atauliza ninia eakreditasaun foin lalais ne’e ho estatutu “A” husi GANHRI, hodi reafirma ninia independénsia no kumprimentu ba Prinsípiu Paris nian—markadór xave ida ba kredibilidade no kompromisu ba instituisaun nasionál direitus umanus nian.
Enkontru ne’e konklui ho atualizasaun sira hosi Enkontru Anuál GANHRI 2025, informasaun kona-ba rezolusaun Konsellu Direitus Umanus ONU nian kona-ba direitu ema idozu sira-nian, no diskusaun sira planeamentu nian ba Konferénsia Anuál SEANF ba dala 22 ne’ebé sei realiza iha tinan ida-ne’e nia rohan.
PDHJ nia partisipasaun reafirma ninia kompromisu atu hametin kolaborasaun ho parseiru SEANF no kontribui ho ativu ba esforsu rejionál sira atu promove no proteje direitus umanus no governasaun di’ak iha Sudeste Aziátiku tomak.
This post is also available in: English