Tailandia : Loron, 27 Novembru 2023, Provedor de Direitos Humanos e Justiça Virgílio da Silva Guterres “Lamukan” akompaña husi Diretur, Bartolomeu Goncalves hala’o vizita kortezia ba iha Thailand Ombudsman nia Office iha Bangkok Tailandia. Hodi halo enkontru ho Chief Ombudsman Tailandia, Somsak Suwansujarit, hodi koalia kona ba promove boa governasaun liu husi servisu parseria.
Iha enkontru ne’e, Chief Ombudsman Thailandia agradese ba Provedor nia apoiu ba nia kandidatura diretur ba IOI rejiaun Asian. Thailand Ombudsman iha komitmentu boot atu servisu di’ak liu iha futuru.
Entertantu iha loron hanesan Provedor halo mós enkontru ofisial ho National Human Right Comisioner of Thailand (NHRCT) Chairperson Pornprapai Ganjanarintr, hodi koalia kona ba esperiensia Institusaun Nasional Direitus Umanus Tailandia sai uma nain no lidera enkontru SEANF iha tinan 2023 ne’e. Iha posibilidade atu halo koperasaun ba area esfesifiku entre instituisaun nasaun rua nian.
Alende ne’e, lider nain rua koalia mós kona ba pozisaun instituisaun nasional human rights Tailandia relasiona ho situasaun violasaun direitus humanus iha Myanmar.
Iha enkontru rua ne’e iha mós partisipasaun husi Terseiru Secretariu Ambassador Timor-Leste iha Tailandia.