Provedór Direitos Umanus no Justisa, Virgílio da Silva Guterres ‘Lamukan’ ho nia estrutura Sesta, 7 Juñu 2024, submete relatóriu annuál 2023 ba Prezidente Parlamentu Nasionál, Fernanda Lay, iha Sala audiénsia Parlamentu Nasionál.Submisaun relatóriu ne’e kumpri ba Estatútu Provedór, Lei nu.7/2004 artigu 46 katak, tinan-tinan to’o 30 juñu, Provedór ténke submete relatóriu annuál iha tinan ida uluk nian kona ba atividade ne’ebé maka la’o ona iha anu sívil iha tinan anteriór 2023 ba iha Parlamentu Nasionál.
“Tanba ida ne’e mak ami kumpri ami nia dever, kumpri ami nia mandatu hodi mai entrega no esplika relatóriu annuál 2023 nia konteúdu ba iha Prezidente Parlamentu Nasionál,” hateten, Provedór Guterres iha nia entrevista ho Jornalista sira iha Parlamentu Nasionál.
Iha biban ne’e mós Provedór husu ajendamentu plenaria ba aprejentasaun relatóriu anuál PDHJ ni’an. Tuir Informasaun husi Prezidente Parlamentu Nasionál katak, iha loron, 25 Juñu PDHJ se’i aprezenta relatóriu annuál iha Parlamentu Nasionál.