PDHJ no AIM Lansa Treinamentu Téknika Persepsaun Survei

Dili, 27 setembru 2024, Provedoria Direitus Umanus no Justisa (PDHJ),  kolabora ho Atividade Mekanizmu Responsabilidade no Integridade (AIM) ne’ebé finansia husi Ajénsia Internasionál Estadus Unidus ba Dezenvolvimentu (USAID) iha Timor-Leste, foin lalais ne’e hala’o sesaun formasaun ne’ebé foka liu ba Ferramenta Levantamentu Persesaun husi loron 25 to’o 27 fulan-setembru tinan 2024.

Eventu ne’e inaugura husi Provedóra-Adjunta Direitus Umanus, Maria Marilia da Costa, ne’ebé simu partisipante sira no subliña importánsia atu komprende sidadaun sira-nia persesaun ba governasaun ne’ebé efetivu. Durante formasaun tomak, partisipante sira hetan hanoin sira ne’ebé iha valór kona-ba metodolojia peskiza nian no partisipa iha ezersísiu prátiku sira ne’ebé ho objetivu atu halo levantamentu ba persesaun reál sira kona-ba governasaun di’ak no anti-korrupsaun.

Objetivu xave husi formasaun ne’e mak atu fó kbiit ba pesoál sira husi CAC, PDHJ, no instituisaun kontrolu sira seluk hodi dezeña no implementa metodolojia levantamentu ne’ebé efetivu. Partisipante sira hetan ekipamentu atu hala’o análize kle’an no halo rekomendasaun proativu sira hodi hadi’a governasaun no responsabilizasaun.

Treinamentu ne’e lidera hosi Muhammad Nasir husi Lembaga Survey Indonesia, péritu ida ne’ebé iha esperiénsia iha peskiza persesaun no levantamentu públiku sira, hodi garante katak partisipante sira hetan orientasaun no apoiu ne’ebé di’ak liu.

Iha konkluzaun husi formasaun, partisipante hotu-hotu hetan sertifikadu nu’udar rekoñesimentu ba sira nia partisipasaun no kompromisu atu hasa’e sira nia abilidade. Eventu susesu ida-ne’e marka pasu signifikativu ida hodi harii kompriensaun ida ne’ebé kle’an liután kona-ba sidadaun sira-nia persesaun iha Timor-Leste!