Ave Caicoli, Dili, Timor-Leste

info@pdhj.tl

  • tp

PDHJ-IJE no MS Lansa Relatoriu Treinamentu 2016

Dili : Iha loron 30 fulan Marsu tinan 2017, Instituisaun 3 hanesan Provedoria dos Direitos Humanos e Justiça (PDHJ), Ministériu Saúde (MS) no Inspesaun Jeral Estadu (IJE), publika relatoriu treinamentu hamutuk 2016 ba dirijente/responsavel xefia iha Servisu Sentrais, Servisu Autónomu (SAMES, INS no Lab. Nas), Hospital Nasional no Hospital Referal sira Ministériu Saúde, hodi hasa’e no aumenta sira nia koñesimentu kona-ba administrasaun ne’ebé di’ak, nune’e hamutuk promove governasaun di’ak iha Timor-Leste.
Provedor Dr. Silverio Pinto Baptista iha seremonia lansamentu hateten katak, liu husi servisu ekipa husi instituisaun 3 konsege ezekuta planu hodi halo formasaun ba dirijente ou jestor sira iha Minitériu Saúde laran tanba ne’e sira tenki kumpri dever ne’ebé ita fó ba sira.
Provedor mos kongratula ho ekipa tekniku, ofisiais sira hotu ne’ebé dedika a’an no fó tempu hodi organiza, tanba objetivu husi formasaun ida ne’e, tuir pedidu ne’ebé mai husi Ministra Saúde nian.
Nia hatutan jestor sira ne’ebé halo serbisu iha sentrais hanesan SAMES, Institute Nasional Saúde no mos Hospital Referal sira inklui Hospital Nasional Guido Valadares.
“ita hasa’e koñesimentu ho intensaun ida, para ita bo’ot sira ne’ebé hanesan jestor atu halo jestaun ne’ebé di’ak, atu nune’e bele atende ita nia komunidade ho prinsipiu ida profisionlismu, efisiensi no efikasia, ida ne’e maka ita ni intenaun,” dehan Provedor.
Iha fatin hanesan Inspetor Jeral Estadu (IJE) Dr. Franscisco de Carvalho mos hateten, atividade hirak ne’ebé instituisaun tolu hala’o hamutuk atu halo formasaun ba dirijente sira iha Minitériu Saúde.
“hau hakarak hateten katak iha buat barak mak Ministériu Saúde hala’o, tanba ita halo treinamentu ba dirijente sira iha instituisaun sira, Miniteriu Saude mak iha rejime espesil ninian,”dehan Inspetor.
Inspetor dehan pesoal Saúde sira hala’o serbisu la hare ba tempu, tanba ne’e Komisun Funaun Publika (KFP) apresia tebes ema ida rua mak hala’o funsaun ladun diak.
Entretantu Vise Ministra Saúde. Sra. Ana Maria Isbel hato’o agradesementu ba PDHJ no IJE ne’ebé fó apoiu ba program formasun ne’e.

Notisia seluk

Provedór Hamutuk iha Selebrasaun Loron Mundiál Liberdade Imprensa nian: Reflete kona-ba ‘Jornalizmu Kauza sira-nian’ no Legadu Max Stahl no Jill Jolliffe nian

Dili, 3 Maiu 2025 – Provedór Direitus Umanus no Justisa, Virgílio da Silva Guterres ‘Lamukan’, partisipa hanesan oradór konvidadu iha serimónia komemorasaun Loron Mundiál...

Provedór-Adjuntu Reprezenta Timor-Leste iha Konsultasaun Rejionál AICHR kona-ba Direitus Umanus no Dezenvolvimentu

Kuala Lumpur, 28–29 abril 2025 — Provedór Adjuntu ba Boa Governasaun, Rigoberto Monteiro, partisipa nu'udar panelista iha Konsulta Rejionál sira Komisaun Intergovernamentál ASEAN nian...

PDHJ Partisipa Enkontru Grupu Traballu Tékniku SEANF iha Jakarta

Jakarta, Indonézia, 23–24 abril 2025 - Provedoria dos Direitos Humanos e Justiça (PDHJ) hamutuk ho reprezentante sira husi Sudeste Aziátiku partisipa iha Enkontru Grupu...

PDHJ no Komnas HAM Avansa Koperasaun Direitus Umanus Transfronteirisu

Jakarta, 24 Abril 2025 – Provedoria dos Direitos Humanos e Justiça (PDHJ) no Komisaun Nasionál Direitus Umanus Indonézia nian (Komnas HAM) foti pasu konkretu...
Skip to content